Mbrojtësi i Kombëtares së Shqipërisë, Ardian Ismajli është ndër lojtarët më të vlerësuar në pozitën e tij në kampionatin italian.
Mediumet në Itali kanë bërë një analizë të Serie A pas 36 xhirove të luajtura në çdo repart të fushës, duke shpallur lojtarët më të mirë.
Në mbrojtje, bie në sy emri i Ardian Ismajlit, i cili është pjesë e Empolit, ekip që po lufton për mbijetesë në Serie A.
Ismajli është vlerësuar për paraqitjen e tij këtë sezon dhe ka zënë vend ndër pesë mbrojtësit më të mirë.
Në këtë listë, Ismajli gjendet së bashku me Alessando Buongiornon e Napolit, Alessandro Bastonin e Federico Dimarcon e Interit dhe Nuno Tavaresin e Lazios.
28-vjeçari këtë sezon ka regjistruar 27 ndeshje kampionale me fanellën e Empolit, ku në disa prej tyre ka bartur edhe shiritin e kapitenit.
Për Ismajlin, ky do të jetë sezoni i tij i fundit tek Empoli pasi në verë i skadon kontrata dhe do të largohet si lojtar i lirë.
