Ardian Ismajli ka kërkuar zëvendësim të detyrueshëm në ndeshjen Juventus – Empoli, e cila po luhet në Torino në kuadër të Serie A.
Ismajli ishte titullar dhe kapiten i Empolit në këtë përballje, ndërsa është zëvendësuar në minutën e 59-t të takimit te rezultati 1:0 në favor të ekipit të tij.
Ismajli e ka kërkuar vet zëvendësimin dhe duket se ka një problem muskulor, i cili ia ka pamundësuar ta vazhdoj ndeshjen deri në fund.
Mbrojtësi i Shqipërisë, jo vetëm që është ndër lojtarët më të dalluar në Serie A por edhe më i miri te skuadra e tij.
Kjo është hera e dytë këtë sezon që Ismajli largohet nga fusha për shkak të një dëmtimi në muskulin e këmbës.
Pak minuta pas u largua Ismajli, Juventusi barazon rezultatin në 1:1 me anë të francezit Randal Kolo Muani.
