Mbrojtësi i Kombëtares së Shqipërisë, Ardian Ismajli ka marrë vendim për të ardhmen e tij dhe sipas mediumeve italiane, ai do të largohet nga Empoli në fund të sezonit.
Thuhet se Ismajli nuk do ta rinovoj kontratën me Empolin që i skadon në verë dhe tashmë ka njoftuar klubin për vendimin e tij.
Ismajli që është ndër mbrojtësit më të vlerësuar në kampionatin italian, nuk dihet se ku do ta vazhdoj karrierën por thuhet se do të mbetet në Serie A.
Më herët, interesim për shërbimet e tij kishin shfaqur Interi, Juventusi e Napoli, skuadra që mund ta transferojnë falas në verë.
Ismajli ka 24 paraqitje këtë sezon në Serie A, ndërsa pjesë e Empolit është prej vitit 2021 kur iu bashkua nga Spezia.
