Mbrojtësi i Shqipërisë, Ardian Ismajli është i gatshëm të debutojë te Torino në ndeshje zyrtare vikendin e ardhshëm.
Mediumet italiane, kanë raportuar se Ismajli ka filluar stërvitjet dhe do të jetë gati për ndeshjen që Torino e luan me Romën, më datën 14 shtator.
Te Torino besojnë se Ismajli tashmë ka tejkaluar problemin muskulor dhe ndaj Romës do të ketë minuta, ndërsa titullar do të inkuadrohet prej ndeshjes me Atalantan që luhet një javë më vonë.
Ismajli gjatë kësaj vere iu bashkua Torinos si futbollist i lirë por u dëmtua në mesin e muajit të shkuar në stërvitje.
Ai, tashmë i ka humbur dy ndeshjet e para të sezonit 2025/26 për Torinon.
