Kombëtarja e Islandës do të ketë një mungesë të madhe në duelet e play-offit të Ligës së Kombeve kundër Kosovës.
Të mërkurën, federata islandeze ka njoftuar se mesfushori Mikael Neville Anderson nuk do të mund të luaj në ndeshjet kundër Kosovës.
Bëhet e ditur se Anderson që bën karrierë në Danimarkë është lënduar dhe nuk ka marrë fare pjesë në stërvitjen e fundit të Islandës.
Kështu që, ai është lënë jashtë për përballjet me Kosovën dhe te Islanda nuk kanë marrë vendim për të ftuar një lojtar tjetër.
Ndeshja e parë Kosovë – Islandë, luhet të enjten prej orës 20:45 në Prishtinë kurse ajo e kthimit të dielën në Spanjë nga ora 18:00.
Këto ndeshje vlejnë për promovim në Ligën B të Ligës së Kombeve, gjë të cilën po e synon Kombëtarja e Kosovës.
