Zyrtarët në Qipro , kombi i vogël ishullor në cepin lindor të Mesdheut, vlerësojnë se ka afërsisht një mace të egër për çdo banorë të saj – rreth 1 milionë – megjithëse aktivistët pohojnë se popullsia aktuale është qindra mijëra më e lartë.
Në fund të shtatorit, komitetit parlamentar të ishullit për mjedisin iu tha se një program ekzistues sterilizimi është shumë i kufizuar për të përmbajtur popullatën në rritje të maceve, shkruan AP.
“Është një program i mirë, por duhet të zgjerohet”, tha Komisionerja e Mjedisit Antonia Theodosiou, duke vënë në dukje se programi kryen vetëm rreth 2,000 sterilizime në vit me një buxhet prej vetëm 100,000 eurosh (117,000 dollarë).
Edhe pse nuk ka të dhëna zyrtare krahasuese, Theodosiou tha se Qiproja ka fituar reputacionin për një popullsi macesh që është jashtëzakonisht e madhe në krahasim me banorët e saj njerëzorë.
