Konflikti mes Izraelit dhe Palestinës vazhdon të komentohet pafund, teksa qindra njerëz të pafajshëm vijojnë të humbin jetën në luftë.
Ky konflikt ka kaluar edhe të futbollistët, pasi disa prej tyre po pezullohen nga klubet e tyre shkak që po rreshtohen nga krahu i palestinezëve.
Njëri nga ta është edhe holandezi me origjinë marokene, El Ghazi i cili është rreshtuar në krahun e Palestinës dhe postimi i tij nuk i ka pëlqyer aspak drejtuesëve të skuadrës së Mainz, të cilët ndërmorrën menjëherë masa ndaj tij.
El Ghazi gjatë muajit të kaluar shkroi disa rreshta për këtë konflikt, duke thënë se kjo çfarë po i bëhet palestinezëve nuk është luftë, por gjenocidë.
“Kjo nuk është luftë. Kur njëra palë ndërpret ujin, ushqimin dhe rrymën elektrike, nuk është luftë. Kur njëra nga të dy palët ka armë bërthamore, nuk është luftë. Kur njëra palë përdor imazhe të krijuara nga Inteligjenca Artificiale për të përhapur dezinformata për tjetrën, nuk është luftë. Kur mediat sociale censurojnë përmbajtjen e njërës palë dhe jo tjetrës, nuk është luftë. Ky nuk është një konflikt dhe as një luftë. Ky është gjenocid, shkatërrim masiv dhe ne po e shohim drejtpërdrejt. Nga lumi në det, Palestina do të jetë e lirë”, ka shkruar El Ghazi.
Pas kësaj menjëherë ka reaguar Mainzi, që me anë të një komunikate zyrtare njofton pezullimin e sulmuesit nga stërvitjet dhe ndeshjet e skuadrës. Duke e cilësuar të papranueshëm postimin e futbollistit maroken.
Derisa El Ghazi nuk është i vetmi dhe i fundit që është pezulluar nga skuadra, pasi edhe klubi francez Nice ka ndërmarrë masa ndaj futbollistit Youcef Atal që është rreshtur krah popullit palestinez, anipse ka fshirë shkresën dhe ka kërkuar falje publike.