Familjari i të vrarit mbrëmë në Prishtinë, ka reaguar në rrjete sociale për ngjarjen.
Afrim Veseli në një postim në Facebook, ka shkruar se i ndjeri ka qenë mysafirë në lokalin, brenda të cilit dyshohet se u vra.
“Euu tezak shpirti dritë të baftë. Rruga jote ishte shtëpi punë e xhami. Kur vrasësit vrasin edhe mysafirët në restorant”, ka shkruar ai.
Mbrëmë në Prishtinë, dy persona të armatosur e të maskuar kanë shtënë në drejtim të dy viktimave, ku për pasojë Naser Gashi vdiq në QKUK, derisa i plagosuri tjetër po merr trajtim mjekësor.
“Në vendin e ngjarjes kanë dal të gjitha njësitet përkatëse policore. Me vendim të prokurorit, trupi i pajetë i viktimës dërgohet në IML për obduksion”, thuhet në njoftimin e policisë.
