Vila e ish-diktatorit shqiptar, Enver Hoxha, tashmë quhet Vila 31 x Art Explora dhe është kthyer në një qendër inovative artistike dhe kulturore.
Në ceremoninë e inaugurimit ishte i pranishëm edhe kryeministri Edi Rama dhe ministri i Turizmit Blendi Gonxhja.
Vilës 31 x Art Explora është një projekt ambicioz që shndërron një ish-rezidencë nga një periudhë e errët e historisë së komunizmit në një qendër dinamike dhe inovative për artin dhe kulturën.
Kjo hapësirë e re do të mirëpresë rezidentë artistikë nga Franca, Tunizia, Libani, Malta, Italia dhe shumë shtete të tjera, duke ofruar një program të pasur që përfshin performanca, diskutime, punëtori, lexime dhe shfaqje filmash.
Në fjalën e tij, Rama theksoi rëndësinë e këtij projekti për kulturën shqiptare dhe ndërkombëtare, duke theksuar se ky është një hap i rëndësishëm në zhvillimin e aktiviteteve kulturore në vendin tonë.
“Ky është fillimi i një aventure të re, një vatër kulture shqiptare dhe për të gjithë botën“, u shpreh ai, duke shtuar se projekti Art Explora, i njohur si “anija muze” që do të shëtisë nëpër botë, do të ketë një stacion të saj në portin e Durrësit më 10 prill.
Nga data 9-13 prill, hyrja do të jetë e lirë për të gjithë. /rtsh.al/
