Mesdita e së premtes i gjeti ish punëtorët e ish ndërrmarrjes gazetare botuese “Rilindja” para selisë së së Agjencisë Kosovare të Privatizimit (AKP) në Prishtinë.
Ata duke theksuar që janë të lodhur nga pritja shumë vjeçare kërkuan pagesën e 20 përqindëshit.
E përfaqësuesi i ish punërorëve, Besim Kajtazi, theksoi se para katër viteve si shkak i presionit publik, Qeveria kishte ndarë miliona euro për kompensimin e punëtorëve, por një pjesë e mjeteve ende nuk është shpërndarë.
“Deri më sot, nuk ka një arsimim bindës përse këto mjete nuk janë shpërndarë, edhe pse qëllimi i tyre ishte i qartë: kompensimi i punonjësve. Ky është një rast flagrant i mungesës së përgjegjësisë dhe mungesës së llogaridhënies institucionale. Situata përkeqësohet edhe më tej me çështjen e trullit prej 5.5 hektarësh ku që ndodh kompleksi “Rilindja”…Më shqetësues është fakt që AKP-ja, institucioni që duhet të mbrojnë interesat e punëtorëve në proceset e privatizimit, po hesht dhe po shmang përgjegjësinë”, tha Kajtazi.
Ai përmendi edhe çështjen e pronave të gazetës “Rilindja” jashtë vendit, për të cilat, sipas tij, AKP-ja nuk ka ndërmarrë asnjë veprim.
Puntorët e “Rilindjes”, hanë që do të protestojnë deri sa të marrin atë që ju takon, pasi vlerësuan që edhe ata janë hisedarë në pasurinë e Rilindjes.
“Po sot kemi dal ta ngrisim zërin të protestojmë dhe të fitojmë të drejten që na takon nga pasuria e “Rilindjes”, e cila është bërë me mund, me sakrificë. Dhe sot deri sa na është marr kjo pasuri, të pakten të na paguhet ajo çka na takon neve… Është mirë që të ketë rezultate që të mos na sjellin serisht këtu sepse përndryshe sërisht do të jemi këtu. Dhe do të ishte mirë që ai mundi yni na paguhet”, tha ish-korespodenti nga Skënderaj, Sabit Istogu.
“Duke qenë me shpirtin e gazetarës, me shpirtin luftarak të gazetarës dhe aktivistes për të drejtat e njeriut unë besoj që duhet me vazhdu deri në realizimin e të drejtave tona”, tha ish-gazetarja e “Rilindjes”.
Në këtë protesë ishte edhe një gazetar dhe redaktor nga gazeta turke, i cili tha ndajnë të njetin hall me gazetart e “Rilindjes”.
“I mbështesim edhe “Rilindjen” në greven e tyre edhe na jemi në grevë se i kemi të njejta probleme. Ende nuk na janë pagu do mizere prej privatizimit dhe për atë jemi këtu për me ngjall pak opinionin”, tha ish-gazetari dhe redaktori në gazetaën turke, Sherafedin Omer.
E drejta për marrjen e 20 përqindëshit nga trualli prej 5.5 hektarësh, sipas ish puntëtorëve të “Rilindjes”, ju takon rreth ish 660 ish-punëtorëve.
Kronikë e realizuar nga gazetarja, Adea Mustafaj.
