Përmes komunikatës, Gjykata ka njoftuar se atij i është caktuar ndalimi për t’iu afruar vendit ose personit të caktuar.
Po ashtu, atij i është ndaluar që t’i afrohet edhe ndërtesës së Këshillit Prokurorial në afërsi prej 200 metra.
“Gjyqtarja e procedurës paraprake e ka aprovuar si të bazuar kërkesën e prokurorit të shtetit dhe të pandehurit A.R i ka caktuar masën e sigurisë Ndalimi për t’iu afruar vendit apo personit të caktuar, ashtu që të pandehurit A.R i ndalohet që t’i afrohet L.S si dhe ndërtesës së Këshillit Prokurorial, në afërsi prej 200 metra. Kjo masë, sipas këtij aktvendimi, do të zgjasë një (1) muaj, duke filluar nga data 21.07.2022 deri me datë 20.08.2022”, thuhet ndër tjerash në njoftim.
Tutje, Gjykata njoftoi se kundër këtij aktvendimi palët kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë./teve1.info/
