Nën masa të rrepta sigurie, u soll në gjykatore.
Në këtë formë, Qeslav Joliq, u ulë edhe një herë ne bankën e të akuzuarit.
Ish-polici serb, po dyshohet që kohën e luftës në Kosovë, në Gurakovc të Istogut rrahu dhe maltretoi civilët shqiptarë.
Në këtë seancë, radha për të dëshmuar i erdhi Naim Currajt.
Ky i fundit dëshmoi për ditën kur sipas tij, i vëllai Nexhmedini, u rrah nga vet Qeslav Joliq.
“Qysh jemi kane në çajtore, vëllai ka qene ne biliardo, Nexhmedini ka punuar taxi, qe u kane ne qendër. S’ka prit as gjysme ore ish pas thyer nje permendore e serbeve dhe kane shkuar e kane kap Nexhmedinin, ka shkaur Caslavi…..se na njihemi prej 84-tes. Pas gjysme ore na kane informuar qe Nexhmedinin jane tu e rreh ne qender edhe tani kur kemi shkuar ne qender nuk na kane lene me u afruar. Ne ate moment ka dalur Naim Ferati prej nje qebaptores dhe ne ate moment kane shkuar e kane rrahur edhe Naimin. dhe prej atij momenti ne kemi pasur pasoja shume. I falënderohem Ves Krajiqi, ka qene polic, se mos me qene ai na kishin shkatërruar. Baba e ka mbajtur kapuçin e bardhe”, tha dëshmitari Curraj.
Tutje dëshmitari, u përgjigj në pyetjet e prokurorit special, se në çfarë gjendje e pa vëllain pasi u lirua nga stacioni policor.
“Ka qenë në gjendje të mjerueshme, nofullën e ka pasur të thyer dhe dhembet. Pastaj e kanë marrë dhe neve s’na kanë lejuar, nuk më kujtohet kush, e kanë çuar të shpija dhe pastaj e kemi çuar në Vrellë të Komunës se Istogut për me strehu. E kemi çuar të miqtë e Nexhmedinit, Rame Blakaj”, tha ai.
Pas pyetjeve të prokurorit, dëshmitari u përgjigj në pyetjet e mbrojtjes.
Pse zotni, te demtuarin Naim Feratin, se keni permend te hetuesi policor?, pyeti Miodrag Brkljac- avokat mbrojtës
“E kam permend, nuk e di pse nuk e kane shenuar. Betohem qe e kam permend”, tha dëshmitari.
Pas kësaj, fjalën e mori edhe një herë prokurori special, Ilir Morina.
Ky pyeti edhe një herë dëshimtarin se cili ishte shkaku i rrahjes së Nexhmedin Currajt.
“Në pyetje të avokatit, the që u rrah për përmendorën”.
“Po, sot flitet qe ajo permendore u ra, u rrah vllau”, u përgjigj Curraj.
Nga trupi gjykues, dëshmitarit iu kërkua që t’i identifikojë Qeslav dhe Zoran Joliqin, pasi për këtë të fundit u deklarua se ishte rezervist dhe ngjanin mes vete.
Por, këtë nuk arriti ta bënte, me arsyetimin se ka kaluar kohë e gjatë.
Më këtë përfundoi edhe seanca e së enjtes, ndërsa e radhës u caktuan me 21 dhe 25 janar të vitit të ardhshëm.
