Ish-ministri izraelit i Sigurisë kombëtare Itamar Ben-Gvir ka kritikuar të dielen politikat e kryeministrit Benjamin Netanyahu në Rripin e Gazës, ku ka thënë se Izraeli është bërë “gaz i lindjes së mesme”.
Ai në një intervistë me radiostacionin lokal Kol BaRama, ka dënuar mënyrën sesi qeveria e ka trajtuar luftën në Gaza.
“Ne jemi bërë “gaz i lindjes së mesme”, dhe nuk jam i sigurtë se jemi duke e kuptuar këtë,” ka thënë Ben Gvir.
Duke kritikuar përgjigjen e Netanyahut ndaj presionit të ShBA-së, Ben-Gvir tha: “Nuk mund të qeverisësh vetëm bazuar në presionin e jashtëm”.
Ai argumentoi se Izraeli nuk duhet të kishte lejuar kurrë karburant dhe ndihma humanitare në Gaza, duke pretenduar se kjo është në dobi të Hamasit.
Ish-ministri vazhdoi duke bërë thirrje për një zbatim të menjëhershëm të asaj që ai e quajti “një program migrimi vullnetar” për palestinezët në Gaza, raporton AA.
Në janar, Ben Gvir dha dorëheqjen nga qeveria duke kundërshtuar një armëpushim dhe shkëmbim të të burgosurve në Gaza. Që atëherë ai ka mbrojtur atë që ai e quan “migrim vullnetar” të palestinezëve nga Gaza.
Më 4 shkurt, presidenti i SHBA-së, Donald Trump tha se Uashingtoni do të “marrë përsipër” Gazën dhe do të rivendoste palestinezët diku tjetër sipas një plani të jashtëzakonshëm rizhvillimi që ai pretendonte se mund ta kthente enklavën në “rivierën e Lindjes së Mesme”.
Propozimi i tij u prit me dënime të gjera nga palestinezët, vendet arabe dhe shumë kombe të tjera në mbarë botën, duke përfshirë Kanadanë, Francën, Gjermaninë dhe Britaninë e Madhe.
