Ish-pjesëtari i UÇK-së dhe njëherësh bashkëorganizatori i protestës në Hagë, Fatmir Koci, para protestuesve në Hagë, tha se është koha t’iu themi mjaft padrejtësisve në Speciale.
“Mjaft më me padrejtësi, a ishim ne agresori, a e sulmuam ne dikë në tokën e vet, a kërkuam territore apo liri, a ishim ne pushuesi?”, pyeti Koci.
Ai tha se populli ynë nuk ka qenë agresor e pushtues, por luftuam për lirinë tonë. Tha se pas gjithë sakrificës, po përballemi me padrejtësi. Ka shtuar se duan drejtësi për ata që luftuan për lirinë e popullit.
“Ne nuk kemi qenë as agresori as pushtuesi, ishim të pafajshëm që luftuam për lirinë tonë’, tha Koci.
Ish-luftëtari tha se të akuzuarit që po qëndrojnë në paraburgim në Hagë, janë të pafajshëm.
“Shteti serb ka shkatërruar jetën e shumë qytetarëve të pafajshëm, nuk ka dhënë asnjë llogari”, shtoi ai.
Derisa bëri thirrje për drejtësi, Koci tha se nuk do të pranojmë padrejtësinë.
“Për të gjithë ata që po akuzohen padrejtësisht, ne nuk do të pranojmë asnjëherë këtë padrejtësi”, tha Koci.
Ai përmendi edhe Pjetër Shalën dhe Salih Mustafën, duke thënë që u dënuan për krime që nuk i kanë bërë kurrë.
“Gjykata Speciale është mjet i padrejtësisë”, tha Koci, duke shtuar se kërkojnë hetim të paanshëm e të vërtetë.
