Manchester United ka pësuar humbje 1-0 nga Nottingham Foresti në kuadër të javës së 30-të në Premier League.
Pas vetëm pesë minutash lojë, Anthony Elanga, ish-lojtari i Djajve të Kuq, kaloi Forests në epërsi me asistimin e Yates.
Në pjesën e dytë mysafirët tentuan me dy raste në kohën shtesë por pa fat, për ta marrë një pikë nga kjo përballje.
Kështu, Nottingham ia doli të ruante këtë epërsi minimale, për të fituar tri pikë të mëdha drejt kualifikimit për në Ligën e Kampionëve.
Pas javës së 30-të, Manchester United gjendet në vendin e 13-të me 37 pikë, ndërsa në xhiron e 31-të takohen me rivalin lokal, Manchester Cityn.
