Kurti kishte thënë se marrja e këshillave nga një numër aq i madh i këshilltarëve shkakton kokëdhimbje.
“35 këshilltarë, ata një këshillë me ta dhënë në ditë të dhemb kryet. 35 këshilla në ditë s’di si i ka menaxhuar, ndoshta kjo ia rrëzoi qeverinë. Kjo është një lloj lakmie, të cilën nuk e kontrollon dot as lakmiqari. Është një lakmi, e cila e përmban vetë lakmiqarin brenda”, kishte thënë Kurti.
Por, tani kryeministri Albin Kurti në kabinetin e tij është vetë i 30-ti dhe ka gjithsej 22 këshilltarë.
E sot Kurtin e ka kritikuar ish-këshilltari i tij, Shkëlzen Gashi, i cili me ironi e ka pyetur Kurtin “Kryeministër a po t’dhem kryet?”
“Para disa ditëve në portalin ‘Kallxo’ e lexova një artikull me titull «Kurti vet i 30-ti në kabinet (dokument)», në të cilin thuhej se deri më tani Kryeministri i Kosovës, Albin Kurti, ka emëruar gjithsejt 22 këshilltarë politikë… Mu kujtua një intervistë e tij në emisionin ‘Rubikon’, 4 shtator 2019 «Si do të ishte Albin Kurti si kryeministër?», ku ai me të drejtë tallej me atëherë Kryeministrin e Kosovës, Ramush Haradinaj: «35 këshilltarë, ata një këshillë me ta dhanë në ditë, të dhem kryet. 35 këshilla në ditë, unë nuk e di qysh i ka menaxhu». Gjatë fushatës elektorale për zgjedhjet e përgjithshme, të mbajtura në tetor të vitit 2019, Kryeministri i Kosovës premtonte se do të ketë 6-10 këshilltarë politikë. Ndoshta do të ishte mirë një spjegim për dy përkatësisht trefishimin e këshilltarëve politikë”, ka shkruar Gashi.
