Për ndërtimin e parkingut nëntokësor në Bazhdarhane ishte i pari që ngriti dyshime.
Ish-drejtori i Urbanizmit në këtë komunë, Beni Kizolli tashmë ka ngritur kallëzim penal ndaj kryetarit të Prizrenit, Shaqir Totaj.
Aty thuhet se Totaj ka keqpërdorur detyrën zyrtare duke nënshkruar kontratë për aktivitetin e prokurimit publik në kundërshtim me Ligjin për Planifikim Hapësinor.
Kizolli thotë për tëvë1 se ndërtimi i lokaleve afariste do të bëhet pasi që është bërë nënshkrimi i kontratës.
“Megjithatë ne këtë javë kemi shfrytëzuar edhe mundësinë e fundit duke trokitur dyert e drejtësisë në mënyrë që fillimisht të sigurojmë një masë të përkohshme e më pas për të iniciuar një kallëzim penal në drejtim të kryetarit i cili i ka tejkaluar të gjitha kompetencat e veta të paraparë sipas ligjit në fuqi. Për atë zonë flet vetëm harta zonale e cila parasheh destinim vetëm për nevojat e komunitetit dhe jo ndërtimin e lokaleve afariste”, tha ai.
Mirëpo nga niveli lokal mohojnë se ka diçka të tillë në këtë drejtim.
“Komuna nuk ka proceduar atë politikë publike në drejtim të realizimit të qoftë projektit apo formave tjera. Deri më tani ne flasim se kemi hapë një politikë tenderuese që të shpallet një kompani fituese e cila do ta shkruajë projektin dhe pasi të bëjë analitikën e shkrimit tëp projektit ajo do të vije në institucionet e Koimuinë dhe pastaj nëse eventualisht kryetari e sheh si projekt të rëndësishëm”, tha udhëheqësi i Zyrës për Komunikim me Publikun, Ymer Berisha.
Sipas tij, këso akuzash janë shtuar pasi edhe zgjedhjet lokale janë afër.
“Kallëzimet penale manifestohen kur një vepër penale është kryer dhe tani ti në organet e xaktuara e adreson atë vepër ndërsa në këtë rast absolutisht jemi në faza fillestare… Absolutisht është më shumë për aryse politike për shkak se kjo proceduralisht edhe Prokuroria kur ta merr këtë letrën që e ka shkruar Beni ka me pyetë Komunën a është kryer ndonjë veprim administrativ del zero veprime”, tha ai.
Për këtë çështje tëvë1 kishte raportuar muaj më parë, ku kryetari Totaj kishte premtuar se nuk bëhet fjalë për lokale afariste e qendër tregtare por se 65 për qind do të jetë hapësirë gjelbëruese.
