“Konfirmimi i de-përshkallëzimit nuk bëhet me fjalë – apo kushte të marrëveshjes, por në veprimet e autoriteteve të Kosovës dhe komunitetit serb të Kosovës”, tha diplomati amerikan, Thomas Countryman.
Ambasadori Countryman, i cili shërbeu në Ambasadën Amerikane në Beograd thotë se është e nevojshme që Qeveria e Kosovës të lehtësojë qetësimin e tensioneve aktuale, të cilat ndikojnë në dialogun për normalizimin e marrëdhënieve ndërmjet dy shteteve.
“Nëse jo një tërheqje e plotë, atëherë të paktën duke kufizuar qasjen për anëtarët e Policisë Speciale të Kosovës dhe lëvizjet që tregojnë një kuptim të nevojës për pajtim politik dhe vendosjen e udhëheqjes legjitime në komunat në veri të Kosovës”, tha Countryman për Zëri i Amerikës në gjuhen serbe.
Me këtë qëndrim diplomati amerikan ka reaguar ndaj indikacioneve të mundshme për fillimin e zbutjes së tensioneve në marrëdhëniet ndërmjet Kosovës dhe Serbisë, pas bisedimeve të Bratislavës mes zëvendëskryeministrit të Kosovës, Besnik Bislimi dhe ndërmjetësuesit në dialogun mes Kosovës dhe Serbia, Miroslav Lajçak .
Po ashtu Countryman tha se nuk pajtohet me pretendimet, të cilat dëgjohen nga radhët e autoriteteve kosovare dhe një pjesë e opinionit, se bashkësia ndërkombëtare aplikon një lloj qasjeje më të butë ndaj Serbisë, për të ta heqë atë nga ndikimi i Rusisë.
“Brukseli dhe Uashingtoni po përpiqen të zgjidhin çështjet e hapura në atë rajon. Një gjë e tillë nënkupton aplikimin e diplomacisë së qetë, ndonjëherë shumë të zhurmshme dhe të qartë. Unë e kuptoj një perceptim të tillë të realitetit, por ata që e bëjnë nuk i kuptojnë arsyet që mund të motivojnë një qasje të tillë ”, tha Countryman./teve1.info/
