Ish-deputetja e PDK-së, Besa Ismaili, ka kërkuar që kryeministri Albin Kurti t’i dalë në mbështetje deputetes Ganimete Musliu.
Kjo kërkesë e saj vjen pas një cikli fyerjesh që i janë drejtuar Musliut në rrjete sociale, pas një fjalimi që ajo e pati të enjten në Kuvend.
“Mendoj se është momenti tani që edhe kryeministri Albin Kurti të dalë në mbështetje të deputetes Ganimete Musliu dhe të përmbyllë përfundimisht ciklin e fushatave linçuese dhe dezinformatave politike me të cilat është shërbyer ai dhe partia e tij deri më sot”, ka shkruar Ismaili.
Sipas asaj, vetëm kështu shoqëria do të depolarizohej dhe shtensionohej.
