Ministri i Jashtëm i Iranit, Abbas Araghchi, ka postuar në X se sulmet amerikane gjatë natës kanë hedhur në erë çdo mundësi diplomacie me amerikanët ose evropianët.
“Javën e kaluar, ne ishim në negociata me SHBA-në kur Izraeli vendosi ta hidhte në erë atë diplomaci. Këtë javë, ne zhvilluam bisedime me E3/BE-në kur SHBA-të vendosën ta hidhnin në erë atë diplomaci”, shkroi Araghchi në X.
“Çfarë përfundimi do të nxirrnit?” Ai shtoi se komentet e Britanisë dhe Bashkimit Evropian për “kthimin” e Iranit në tryezën e negociatave janë të parealizueshme tani.
Mëngjesin e hershëm të së dielës, ushtria amerikane kreu sulme masive me precizion të lartë brenda territorit iranian, në tre objektet kryesore bërthamore të tyre: Fordow, Natanz dhe Isfahan.
