Ministri i jashtëm i Teheranit pritet të udhëtojë në Moskë gjatë kësaj jave për t’u konsultuar mbi bisedimet bërthamore të Iranit me Shtetet e Bashkuara, kanë njoftuar Irani dhe Rusia.
Njoftimi i udhëtimit – gjatë të cilit kryediplomati iranian, Araghchi do të takohet me homologun e tij rus, Sergey Lavrov, tha Moska – erdhi pasi dolën detaje në lidhje me një grup të dytë bisedimesh midis Iranit dhe Shteteve të Bashkuara për të vijuar në një takim fillestar gjatë fundjavës në Oman.
Vizita e Araghchi në Rusi “ishte planifikuar paraprakisht, por do të ketë konsultime në lidhje me bisedimet me SHBA”, tha zëdhënësi i Ministrisë së Jashtme iraniane Esmaeil Baghaei.
Irani dhe SHBA thanë gjatë fundjavës se kishin mbajtur bisedime “pozitive” dhe “konstruktive” megjithëse negociatat mbeten indirekte me Omanin që vepron si ndërmjetës.
Të dy vendet ranë dakord të mblidhen për një takim të radhës i cili pritet të mbahet në Romë, ka raportuar Al Jazeera
Rusia, një anëtare e përhershme me veto në Këshillin e Sigurimit të Kombeve të Bashkuara, ka luajtur një rol vitet e fundit në negociatat bërthamore midis Perëndimit dhe Iranit.
Ndërkohë, shefi i mbikëqyrjes bërthamore të OKB-së, Rafael Grossi do të vizitojë Teheranin të mërkurën për të takuar Araghchi dhe zyrtarë të tjerë të lartë, thanë zyrtarët iranianë.
