Irani dhe Shtetet e Bashkuara do të vazhdojnë me negociata javën e ardhshme lidhur me programin bërthamor të Iranit, ka njoftuar televizioni shtetëror iranian të shtunën, pas raundit të parë të bisedimeve.
Transmetuesi shtetëror i Iranit zbuloi se i dërguari i SHBA-së për Lindjen e Mesme Steve Witkoff dhe ministri i Jashtëm iranian Abbas Araghchi “folën shkurt” së bashku – hera e parë që të dy vendet e bëjnë këtë që nga administrata e Obamës.
Ky raund i parë i bisedimeve filloi të shtunën, rreth orës 15:30 lokale. Të dy palët folën për më shumë se dy orë në një vendndodhje në periferi të Muskat, kryeqyteti i Omanit, duke i dhënë fund bisedimeve rreth orës 17:50 me orën lokale, raportoi AP.
Në një deklaratë të lëshuar të shtunën pasdite, Shtëpia e Bardhë i përshkroi diskutimet si “shumë pozitive dhe konstruktive”, ndërsa pranoi se çështjet që duhet të zgjidhen “janë shumë të ndërlikuara”.
Edhe përfaqësuesi iranian, Abbas Araghchi i përshroi bisedimet si konstruktive.
“As ne dhe as pala tjetër nuk jemi të interesuar për negociata të pafrytshme – të ashtuquajturat ‘bisedime për hir të bisedimeve’, humbje kohe ose negociata të stërzgjatura, rraskapitëse,” tha ai.
Raundi tjetër i bisedimeve do të zhvillohet të shtunën, më 19 prill, sipas deklaratave iraniane dhe amerikane.
