Inspektorati Policor i Kosovës (IPK) ka rekomanduar suspendimin e dy policëve në dy raste të ndara.
Sa i përket rastit në Gjakovë, polici dyshohet për dy vepra penale, për mbajtje të paautorizuar të armës dhe moslajmërim të veprave penale nga një aheng familjar në janar.
Ndërsa atë në Prishtinë, polici është rekomanduar të suspendohet për shkak të veprës penale të keqtrajtimit gjatë ushtrimit të detyrës zyrtare.
“Veprimet hetimore janë duke u ndërmarrë në koordinim me Prokurorinë e Shtetit përderisa rasti trajtohet në procedurë të rregullt. Hetuesit e IPK-së pritet të ndërmarrin edhe veprime të tjera hetimore drejt ndriçimit të të gjitha rrethanave për të dy rastet”, thuhet në njoftim./teve1.info/
