Interi mposhti një skuadër të jashtëzakonshme të Barcelonës për të prekur finales të Ligës së Kampionëve.
Trajneri i Interit, Simone Inzaghi pranoi se ishte i impresionuar nga Barça, por ka thënë se lojtarët e tij nuk do ti ndërronte me askënd.
Pas dramës në ndeshjen e parë gjysmëfinale që përfundoi 3:3 në Spanjë, dueli i kthimit të martën mbrëma në Itali ishte edhe më dramatik.
Koha e rregullt e takimit përfundoi 3:3 kurse Interi e eliminoi Barcelonën me shifrat 4:3 pas vazhdimeve dhe kështu avancoi në finale me rezultatin e përgjithshëm 7:6.
“Është dashur të jetë një super Inter. Duartrokitje për këta djem. Kemi ofruar dy paraqitje të mahnitshme. Jam i lumtur që jam trajner i këtyre lojtarëve. Ata dhanë çdo gjë që kishin”, ka thënë Inzaghi.
Interi tani i kthehet garës për titull në Serie A, para se të paraqitet në finalen e madhe të Championsit në fund të muajit.
