Trajneri i Interit, Simone Inzaghi ka vlerësuar lart mesfushorin Kristjan Asllani për paraqitjen që e pati ndaj Feyenoordit në Ligën e Kampionëve.
Interi, të mërkurën fitoi 2:0 në ndeshjen e parë të 1/8 së finales dhe ka bërë një hap të madh drejt kalimit në çerekfinale.
Mesfushori i Shqipërisë, Asllani ishte titullar tek Interi dhe luajti deri në minutën e 80-të për t’u zëvendësuar nga turku Hakan Calhanoglou.
“Nuk kam pasur asnjëherë dyshime mbi cilësitë e Asllanit. Si trajner më duhet të kombinoj forcat dhe Asllani ka bërë që të mos ndihet mungesa e Calhanoglu, që rikuperoi energjitë pasi luajti në fundjavë kundër Napolit”, ka thënë trajneri i Interit.
Asllani 22-vjeçar, ka kontratë me Interin deri në vitin 2028 kurse këtë sezon ka shënuar 1 gol dhe ka bërë 2 asistime në 25 paraqitje në të gjitha garat.
