Deputeti i Kuvendit të Kosovës nga Lidhja Demokratike e Kosovës, Driton Selmanaj ka deklaruar se nuk do të habitej nëse edhe kryeministri Kurti, do të ftohej për intervistim nga Prokuroria Speciale.
Sipas Selmanaj, zhvillimi i hetimeve detyrimisht do ta implikojnë edhe Kurtin pasi siç ka thënë ai nuk vidhet dhe nuk abuzohet me paranë publike pa dijeninë e Albin Kurtit.
“Dejona Mihali është njëra nga “mashat” e Albinit, për korrupsionin masiv tek 1 mijë kontratat sekrete tek të gjitha ministritë, duke përfshirë edhe KEK-un”, ka shkruar Selmanaj në Facebook.
Ndryshe, koordinatorja e Komiteteve në Lëvizjen Vetëvendosje, Dejona Mihali, është intervistuar të premten nga Prokuroria Speciale, në cilësinë e dëshmitarës për disa çështje penale, të cilat prokuroria i ka në hetim.
Mihali, pas përfundimit të intervistimit, deklaroi shkurtimisht se u intervistua për ta zbardhur të vërtetën.
Mihali thotë se u intervistua nga Prokuroria Speciale për të zbardhur të vërtetën
