Mesfushori i Shqipërisë, Kristjan Asllani do të largohet nga skuadra e Interit këtë verë por jo edhe nga kampionati italian.
Raportohet se Asllani ka gjasa të mëdha ti bashkohet skuadrës tjetër nga Serie A, Bologna.
Në fakt, Interi ka ofruar Asllanin si pjesë të marrëveshjes për sulmuesin Santiago Castro, i cili pëlqehet shumë nga trajneri Simone Inzaghi.
Bologna e vlerëson 40 milionë euro 19-vjeçarin Castro kurse Interi ka ofruar kartonin e Asllanit plus 20 milionë euro për transferimin e tij në verë.
Asllani 23-vjeçar ka kontratë deri në vitin 2028 me Interin, ekip për të cilin këtë sezon ka shënuar 1 gol dhe ka bërë 2 asistime në 27 paraqitje në të gjitha garat.
