Interi ka eliminuar gjigantin gjerman Bayern Munchen, për të siguruar gjysmëfinalen e Ligës së Kampionëve.
Ndeshja e dytë çerekfinale, në San Siro të Milanos, u mbyll pa fitues, 2:2 dhe duke llogaritur fitoren e nerazzurëve në ndeshjen e parë, 1:2 për Interin, kualifikoj tutje italianët në mesin e katër ekipeve më të mira të Evropës dhe në garë për çmimin e madh.
Në pjesën e parë nuk pati gola, por pjesa e dytë filloi më mirë për bavarezët që falë Harry Kanet, kaluan në avantazh pas 52 minutave lojë.
Gëzimi ishte i shkurtër pasi vendësit gjetën golin e barazimit shpejt, pas vetëm gjashtë minutave. Lautaro Martinez shënoj në minutën e 58-të, ndërsa katër minuta më pas, kundër ish-skuadrës realizoi Benjamin Pavard, mbrojtësi francez që kaloi Interin në epërsi.
Bayerni shënoj golin për 2:2 me Eric Dier në minutën 76, por që goli i shpresës mungoj më pas për miqtë, që eliminohen në këtë fazë.
Në gjysmëfinale, Interi do të luaj kundër Barcelonës me ndeshjen e parë që luhet në Kataluni.
