Pas përfundimit të fazës së parë të 1/8-së së finales në Ligën e Kampionëve, përveç rezultateve, kanë nisur parashikimet se kush kalon tutje dhe cila skuadët mund ta fitojë garën evropiane.
Përmes një superkompjutori, gjasat për ta fituar Champions League janë te ekipet në formë por ka edhe befasi.
Një kriter objektiv nuk ekziston, por nga metodat më të besueshme është analiza e “superkompjuterit” të Opta, i cili bazon parashikimet e tij mbi rezultatet dhe të dhënat statistikore të skuadrave.
Sipas përllogaritjeve të Opta, ekipi me më shumë gjasa për të triumfuar është Liverpool-i, i cili, pas fitores së ngushtë të PSG-së, ka 43% shanse për të arritur në finale dhe 26% për ta fituar trofeun.
Në vendin e dytë renditet Barcelona me 37.9% shanse për finale dhe 17.3% për ta fituar atë. Interi pozicionohet në vendin e tretë, me 15.5% shanse për të fituar trofeun.
Sipas këtyre përllogaritjeve, Interi shihet si favorit më i madh se Real Madridi dhe Bayern Munich, ndërsa Liverpool-i dhe Barcelona kryesojnë listën e parashikimeve. Tani mbetet për t’u parë nëse këto parashikime do të kthehen në realitet në muajt e ardhshëm.
