Mesfushori Nicolo Barella do t’i mungoj skuadrës së Interit të paktën për një muaj.
Klubi italian, të martën ka konfirmuar lëndimin e Barrellas, të cilin e pësoi në ndeshjen e fundit kampionale.
Barrella ka dëmtuar muskulin e këmbës në humbjen e Interit 2:1 nga Milani, ndeshje në të cilën u detyrua të largohet nga fusha në minutën e 74-të.
Bëhet e ditur se mesfushori italian do të qëndroj jashtë fushës të paktën deri më 20 tetor dhe te Interi po shpresojnë që ai të jetë i gatshëm për derbin kundër Romës.
Shkaku i lëndimit, Barella do t’i mungoj edhe Kombëtares së Italisë për dy ndeshjet e Ligës së Kombeve kundër Belgjikës dhe Izraelit, duele këto që do të luhen më 10 dhe 14 tetor.
27-vjeçari këtë sezon ka shënuar 1 gol dhe ka bërë 1 asistim në pesë ndeshje të luajtura për Interin në të gjitha garat.
