Interi dhe Bayern Muncheni kanë avancuar nga 1/8 e finales në Ligën e Kampionëve duke kaluar në çerekfinale të martën mbrëma.
Si Interi ashtu edhe Bayerni, i kanë fituar edhe ndeshjet e dyta ndaj Feyenoordit dhe Bayer Leverkusenit, kundërshtarë që i mposhtën edhe në duelet e para.
Interi fitoi 2:1 në duelin e kthimit kurse Bayerni 3:0 për të vazhduar garat në Champions.
Interi e eliminoi Feyenoordin me rezultatin e përgjithshëm 4:1 kurse Bayerni fitoi 5:0 ndaj Leverkusenit.
Marcus Thuram (8’) e Hakan Calhanoglou (51’) nga penalltia, realizuan për Interin kurse golin e nderit për Feyenoordin e shënoi Jakub Moder.
Ndërkohë, Harry Kane (52’) e Alphonso Davies (71’) shënuan golat për ta konfirmuar kalimin e Bayernit në çerekfinale të Championsit.
Tek Leverkuseni, përkundër dyshimeve u paraqit mesfushori Granit Xhaka, i cili luajti gjatë tërë ndeshjes dhe u ndëshkua me karton të verdhë.
