Në mbrëmje do të përcaktohet finalisti i parë i këtij sezoni në formatin e ri të Ligës së Kampionëve.
Interi dhe Barcelona, skuadra që po përballen në gjysmëfinale të kësaj gare dhe po synojnë një vend në finalen e madhe.
Ndeshja e parë në Spanjë, ka përfunduar me rezultatin 3:3 kurse sot prej orës 21:00 luhet ndeshja e kthimit, me Interin që e pret në shtëpi Barcelonën.
Barcelona tashmë ka fituar Superkupën dhe Kupën e Spanjës, ndërsa është në garë edhe për trofeun e Championsit dhe titullin e kampionit në La Liga.
Në anën tjetër, Interi është në garë për t’u shpallur kampion i Italisë dhe në ndeshjen e kthimit ndaj Barcelonës ka gjasa të jetë pa kapitenin Lautaro Martinez, që është në dyshim.
Po ashtu, në dyshim është edhe mbrojtësi Benjamin Pavard kurse Barcelonës i kthehet sulmuesi Robert Lewandowski, i cili i ka munguar në katër ndeshjet e fundit.
Kështu që, rezultati i ndeshjes së parë që u luajt javën e shkuar, e bën pothuajse të garantuar spektaklin e futbollit në stadiumin “Giuseppe Meazza”.
