Në autobusë po hynin një e nga një.
Por vend për të gjithë nuk pati.
Andaj një pjesë e udhëtarëve që nuk ishin pak në numër qëndruan në këmbë.
E destinacioni i gjithë këtyre të enjte ishte parku i “Gërmisë” në Prishtinë.
Ky lokacion është bërë i zakonshëm për shumë qytetarë nga e gjithë Kosova për 1 maj, Ditën Ndërkombëtare të Punëtorëve.
Por sivjet, gjithë ata që janë mësynë Gërmisë u detyruan të përdornin autobusin e trafikut urban, meqë komuna i ndaloi veturat me qëllim të ruajtjes së rendit.
E rendin për të mbajtur aty dolën vetë zyrtarët e Policisë së Kosovës.
Krahas policëve që kujdeseshin për sigurinë, ishte dhe dikush që po mendonte për disponimin e qytetarëve.
Por, dikush prej tyre sivjet ka vërejtur që ka më pak dalje në park se në të kaluarën.
“Fluksi është më i vogël se më herët ka qenë tollovi e madhe edhe ndezshin zjarre, bënin flia. Në tre vende Policia rrugore i largonin automjetet nuk i lenin me hi këndej, i shpërndanin veturat e tash krejt ajo është që njerëzit i largohen domethënë vizitës së Gërmisë. Ka familje që shkojnë në Brezovicë në Rugovë”, tha Ismajl Mustafa – qytetar.
Megjithatë, Gërmia mbetet në preferencat e qytetares, Rabije Canolli. Vecse ajo ka një propozim për institucionet.
“Mos me shku atje lartë, me u hapë këtu më poshtë restaurant jo vetëm hotel e villa të shtrenjta, por më lirë diçka që ju përshtate popullit se populli nuk vritet me shtrenjtimi, por ndryshe edhe fëmija me luajtur këtu, me i shiku të kujtohen fëmija tu. Kënaqesh për vete, ec merr pak energji, pak ajër”, tha ajo.
Festimi i 1 majit, është bërë i zakonshëm edhe për qytetarin Agim Gashi.
Më mirë, me festu protesto sa dush, janë disa gjëra tjera që janë më të vlefshme që duhet me protestë, ka plotë tjera gjera para 1 majit. Se është mirë edhe kjo në krejt botën festohet por edhe protestohet kur është për me protestuar pse mos me dal, u shpreh Gashi.
1 maji, është Dita Ndërkombëtare e Punës. Në të gjithë botën kjo ditë synon të kujtojë angazhimin e lëvizjeve sindikale për të kërkuar dhe siguruar të drejtat, liritë dhe kushtet e punës
