Janë simbol i festave të fundvitit.
Edhe këtë vit, sikurse herëve tjera, mjetet piroteknike kanë ardhur nëpër makete e vende të ndryshme.
Interesimi për to, duket se është i madh kryesisht nga fëmijët të cilët shprehin dëshirë më të madhe për blerjen e tyre.
Mirëpo ka nga ta që thonë se i përdorin me kujdes, për shkak se përdorimi i tyre paraqet rrezik për shëndetin e tyre.
“Po i blej unë çdo vjet shumë i blej, i blej dy ksi, po shumë kam kujdes, gjithë knaqna kur ti gjuj raketat edhe bumbicat edhe gjithë e maj i msheli vesht edhe shumë të rrezikshme edhe shumë za po bojnë”.
Kurse Erinda Cakiqi thotë se blejnë çdo vit mjete piroteknike të ndryshme.
“Unë blej shpesh cdo ditë dal qëdshtu napër shitorri i blejmë ka 2-3 paqeta i gjuj me vllazni… Po gjuj ma largë i gjuj në mal… Po kam shumë kënaqësi edhe kur jam kanë e vogël kam pasë qef me i gjujt petardet”, shprehet ajo.
E shitësja, Saranda Lika tregon se interesimi për blerjen e tyre rritet kryesisht një ditë para natës së Vitit të Ri.
“Zakonisht ditëve të fundit ka numër të madh goxha shumë… Këto ditë ka goxha shumë, ka interesim nga të mëdhenjtë dhe fëmijët… Normalismht cdo herë duhet ne u nisë me të mëdhenjtë normalisht është edhe rrezik”, thotw ajo.
Ministria e Punëve të Brendshme ka ndaluar përdorimin e mjeteve piroteknike para datës 26 dhjetor, dhe ato janë të lejuara deri më 1 janar.
