Një vit më parë, komuna e Hanit të Elezit, formoi një mekanizëm referues.
E roli i tij ishte parandalimin i ekstremit të dhunshëm.
Krejt kjo pas disa rasteve të tilla, që dolën në pah në këtë komunë.
“Iniciativa ishte nga Ambasada Angleze, natyrisht në bashkëpunim me departamentin për parandalimin e dhunës në MPB. Prandaj si komunë na u propozua që ta fillojmë një pilot-projekt për parandalimin e dhunës ekstreme. 1:10 Kemi vazhduar një vit me një pilot-projekt, pastaj kemi themeluar grupin, anëtarët e të cilët përfshijnë; nga komuna, drejtor të shkollave, Bashkësinë Islame, policinë dhe Qendrën për Punë Sociale”, ka thënë Mehmet Ballazhi –kryetar i komunës.
Edhe nga kjo komunë, kishte të atillë që iu bashkuan luftërave të huaja.
Për këtë, integrimi i tyre në shoqëri, u bë prioritet i këtij mekanizmi.
“Zakonisht jemi marrë më të kthyerit nga luftërat e huaja, në këtë rast më të kthyerit nga lufta e Sirisë. Në fshatin **** (emër i njohur për redaksinë), ku pjesëmarrësi i luftës në Siri (është vrarë atje), fëmijët kanë mbetur pa një përkujdesje dhe është trajtuar ky rast nga ky mekanizëm, që e ka integruar në shoqëri dhe shkollë, ka qenë problem sepse këta fëmijë nuk e kanë njohur fare gjuhen shqipe”, ka thënë Ballazhi.
Anëtarët e këtij mekanizmi, trajnimet i kryen në shtetin anglez.
“Ne si pjesë e komunës, kemi qenë tre pjesëtarë që morëm pjesë në trajnimet ne Angli. Zgjatën katër ditë me radhë, ku trajtimi ishte i dobishëm për të parë se si ata kanë përjetuar raste të tilla dhe ballafaqimi me to. Janë munduar të përcjellin modele të njëjta”, tha Hisni Luri, drejtor në Drejtorinë për Arsim.
Pas kësaj, drejtori në drejtorinë për arsim në këtë komunë, Hisni Lura, thotë se nuk munguan as sukseset.
Një të tillë, e ndau me Tëvë1.
“Njerëzit që kanë punuar me këta fëmijë (të kthyer nga Siria), shembull mësuesi, drejtori i Qendrës për Punë Sociale, janë marrë direkt me ta, kur ata nuk e kanë ditur as gjuhën amtare dhe kanë arritur shumë në shkollë, qoftë edhe me gjuhë, por edhe të jenë pjesë e garave rajonale të matematikës”, tregon ai.
Ndryshe, komuna e Hanit të Elezit, është nga komunat e para që formoi mekanizmin për parandalimin e ekstremit të dhunshëm në Kosovë.
