Përmes një mekanizmi kontrollues, personat që do të mund ta kalojnë këtë derë, do të kenë çipat përkatës.
Kjo meqë brenda kësaj hapësire të Institutit të Mjekësisë Ligjore, do të krijohen Dhomat e Dëshmive.
Rrjedhimisht, do të jetë hera e parë që provat dhe dëshmitë, do të ruhen në një vend të vetëm, nën kushte të larta sigurie.
I financuar nga Ministria e Drejtësisë, ky projekt ka kushtuar afro 60 mijë euro.
Sipas zëvendësdrejtoreshës së përgjithshme të IML-së, këto dhoma do të krijohen përmes rikonstruimit të hapësirës ekzistuese.
Funksionalizimi i tyre do e rrisë sigurinë e punës së ekspertëve mjekoligjor.
Ky projekt është në kuadër të projektit IPA, për procesin e akreditimit të laboratorit të toksikologjisëë dhe implementimit të sistemit për menaxhimin e cilësisë.
Kronika e realizuar nga gazetarja Florijeta Dernjani
