Pakënaqësitë e Listës Serbe nuk kanë të ndalur. Ditë më parë drejtues të këtij subjekti politik i dhanë ultimatum Qeverisë së Kosovës, për siç thanë, “ndalimin e represionit ndaj serbëve në veri”.
Por, këtë kërkesë të Listës Serbëve, njohësit e sigurisë po e shohin si ndërlidhje me paralajmërimet e planifikuara për protestën në Beograd.
“Është një lloj ultimatumi që ka lidhje me protestën që me 26 mbahet në Beograd.Lista serbe e ka një trysni nga vet komuniteti serb për shkak se të gjithë ata pjesëtarë të komunitetit serb që kanë qenë të punësuar në institucione të Kosovës tash kanë mbet pa punë. Deri tani janë ppaguar nga kryetarë të komunave, mirëpo tani do të kemi kryetarë të ri, e besoj që nuk kanë arsyje ti pagiajnë ata se është e jashtëligjshme”, shprehet deputeti, Rashit Qalaj.
Në anën tjetër njohësi i çështjeve të sigurisë, Bedri Elezi po kërkon nga institucionet përkatëse masa parandaluese.
Nënkryetari i Listës Serbe, Igor Simiq, në një konferencë për media të mbajtur ditën kur u betua kryetari I ri I Mitrovicës Veriore Erden Atiq, ndër të tjera paralajmëroi se pas 1 qershorit populli serb do ta mbrojnë veten me të gjitha mjetet.
