Autor: Driton Sadiku
Të paktën deri në prill, deputetët nuk do të kenë angazhime në Kuvend.
Madje të zgjedhurit e popullit, mund të mos kthehen fare në sallën e Kuvendit, si pjesë e legjislaturës së 10, nëse Gjykata Kushtetuese mbështet dekretin për shpërndarje.
Megjithatë bllokimi i kuvendit, pavarësisht sa zgjatë, konsiderohet se lë dëme të mëdha për vendin.
“Kuvendi veçse i ka hapur 2 pozita për anëtarë të gjykatës kushtetuese, po ashtu një pozitë në këshillin prokuroria e po ashtu duhet të zgjedhën edhe anëtarët në këshillin gjyqësor dhe secila nga këto punë do të mbetet në gjysmë apo e papërfunduar”, thotë Melos Koloshi-hulumtues në KDI.
Sipas Melos Kolshit nga IKD, edhe më aktive në këtë kohë do duhej të ishin komisionet parlamentare, si mbikëqyrse të shumë institucioneve.
“Kuvendi nuk mund t’i thërrasin në përgjegjësi institucionet e ndryshme, p.sh është autoriteti i konkurrencës, e kemi rritjen e çmimit të karburanteve, po ashtu edhe rritja e çmimit të energjisë eklektike, ku komisionet mund ta thërrasin në përgjegjësi ZRRE-në”, sqaron Koloshi.
Kështu, vlerësohet se gjykata duhet që sa më shpejt të jap një verdikt, e vendi të mos hyjë në krizë edhe më të thellë institucionale.
“Po shpresoj që Gjykata kushtetuese do t’i ketë para se gjithash këto në konsideratë meqë deputetët nuk po i kanë me shumë gjasë”, thotë avokati, Ardian Bajraktari.
Legjislatura e 10 u konstituua më 11 shkurt, teksa përgjatë kësaj kohe, u miratua vetëm buxheti dhe disa marrëveshje ndërkombëtare.
