Meta është duke zhvilluar një version të Instagram për iPad sipas The Information. Aktualisht aplikacioni Instagram në iPad është vetëm një version i zmadhuar i aplikacionit krijuar për iPhone.
Por pse ka zgjedhur Meta të krijojë një aplikacion për iPad kur nuk e ka bërë një gjë të tillë prej një dekade? Sipas The Information kjo vjen për shkak të paqartësisë rregullatorë dhe ligjore të TikTok dhe tarifat e Trump.
Kompania i ka rezistuar ndër vite krijimit të një aplikacioni Instagram për iPad. Në Shkurt të 2022, drejtuesi i Instagram Adam Mosseri tha se nuk ka një bazë të madhe përdoruesish për të justifikuar një aplikacion të tillë.
Të njëjtën gjë tha edhe në 2023. Përdorimi i Instagram në iPad duke përdorur Stage Manager është një eksperiencë e pranueshme ndërsa eksperienca në ueb është përmirësuar gjithashtu. Por një aplikacion i dedikuar që përfiton nga avantazhet e një ekran të madh si ai i iPad ka munguar. /PCWorld Albanian
