Inspektorët e Ministrisë së Industrisë, Ndërmarrësisë dhe Tregtisë, kanë zhvilluar kontrolle në pompa të derivateve në katër komunat veriore të vendit.
Lajmin e për teve1.info e ka konfirmuar, zëvendësdrejtori i policisë për rajonin e veriut, Veton Elshani. Ai për teve1.info ka thënë se janë kryer 15 kontrolle në pompa të derivateve, tri në Zubin Potok, një në Mitrovicë të Veriut, katër në Zveçan dhe shtatë në Leposaviq.
Gjatë kontrollave pronarëve të këtyre pompave i‘u është kërkuar dokumentacioni i nevojshëm dhe licencat.
Ndryshe, javë më parë institucionet e Kosovës ua vendosën drynin pesë pompave në katër komunat në veri të Kosovës.
Për tre të parat, dy në Zubin Potok dhe një në pjesën veriore të Mitrovicës, është konfirmuar se janë mbyllur për shkak të funksionimit pa licencë, ndërsa pjesa tjetër janë mbyllur të gjitha përkohësisht, për shkak të operimit të paautorizuar./teve1.info
