Kryetari i Komunës së Podujevës, Shpejtim Bulliqi, ka bërë të ditur se inspektorët e tregut komunal kanë realizuar kontrolle në libraritë e qytetit, në lidhje me çmimet e librave dhe materialeve shkollore.
Këto kontrolle sipas Bulliqit, po realizohen për shkak të ruajtjes së çmimeve të përcaktuara nga shtëpitë botuese.
“Drejtoria e Inspeksionit do të vazhdojë me kontrolle të tilla për të parandaluar çfarëdo abuzimi eventual që mund të shkaktohet me ngritje të çmimeve nga shitja e librave dhe materialeve shkollore”, ka shkruar Bulliqi në Facebook./teve1.info/
