Inspektoriati i kryeqytetit, ka filluar një aksion për largimin e veturave të pashfrytëzuara dhe të parkuara në hapësira publike, ka njoftuar Komuna e Prishtinës.
Përmes një njoftimi në Facebook, komuna, u ka bërë thirrje për respektim të kërkesave të Inspektoriatit, të gjithë qytetarëve dhe pronarëve të këtyre veturave të braktisura.
Komuna, po ashtu, i ka ftuar qytetarët që të largojnë këto vetura sipas afateve të dhëna nga ky organ.
“Inspektorati i Kryeqytetit ka filluar aksionin për largimin e veturave të pashfrytëzuara e të parkuara në hapësira publike në zona të ndryshme në kryeqytet. Me këtë rast ftojmë të gjithë qytetarët e kryeqytetit, pronarë të këtyre veturave të braktisura, që të respektojnë kërkesat e Inspektoratit si dhe të bashkëpunojnë duke i larguar të njëjtat sipas afateve të dhëna nga ky organ”, thuhet në njoftim./teve1.info/
