Inspektorati i Prishtinës gjatë ditës së sotme ka zhvilluar një aksion, ku shumë bizneseve ia ka ndërprerë punimet.
Gjatë aksionit përveç ndërprerjeve të punimeve ka detyruar palët që të lirojnë dhe të kthejnë në gjendjen e mëparshme hapësirat publike të uzurpuara në tentativë për t’i shndërruar në terrasa të bizneseve të tyre.
“Inspektorati i Kryeqytetit, përveç shumë rasteve të tjera, sot gjatë ditës ka ndërprerë punimet dhe ka detyruar palët që të lirojnë dhe kthejnë në gjendjen e mëparshme hapësirat publike të uzurpuara në tentativë për t’i shndërruar në terrasa të bizneseve të tyre”, thuhet në njoftim të IK-së.
Gjithashtu, disa prej palëve iu janë shqiptuar edhe gjoba për dëmtim të hapësirës publike dhe punime pa leje të organeve kompetente të kryeqytetit.
