Diçka jo e zakonshme është paraqitur në Lagjën Mulaj në fshatin Jashanicë të Komunës së Klinës.
Atje është shfaqur një lloj insekti, duke përshirë rrugë e mure të tera.
Banorët janë shprehur të shqetësuar duke njoftuar se ato kanë nisur të bëjnë dëme në kopshtet e tyre.
Banori Ilaz Mulaj ka thënë për tëvë1.info se është lajmëruar komuna dhe ministria e Bujqësisë qysh të martën, por që nuk është bërë një zgjidhje.
Mulaj ka njoftuar se nga Ministria e Bujqësisë kanë qenë gjatë ditës së djeshme në vendngjarje.
“Kanë thënë nuk dimë çka me ba. Një ekspert nga Istogu e ka propozuar një helm, por që nuk po jep rezultate”, u shpreh ai.
