Andres Iniesta ka vendosur të largohet nga Vissel Kobe pas pesë vjetësh në Japoni, por ka insistuar se nuk e ka ndërmend të pensionohet nga futbolli aktiv. Iniesta u largua nga Barcelona në vitin 2018 për t’iu bashkuar ekipit japonez, për të cilin ka regjistruar 133 paraqitje, duke shënuar 26 gola dhe asistuar 25 herë.
Gjatë kësaj kohe te Vissel Kobe, Iniesta ka fituar edhe dy trofe, Superkupën dhe Kupën e Japonisë. Largimin e Iniestas e ka konfirmuar edhe Vissel Kobe nëpërmjet një njoftimi të enjten, në të cilin ka shkruar se “me keqardhje njoftojmë largimin e Andres Iniestas nga klubi ynë”.
39-vjeçari ishte kapiten i ekipit nga J-League e Japonisë dhe vendosi ta shkëpusë kontratën gjashtë muaj para kohe. Initesta nuk ka bërë të ditur se ku do ta vazhdojë karrierën si futbollist aktiv.
