Ish – gjyqtari i Gjykatës Kushtetuese, Kadri Kryeziu duke folur për çështjen e miratimit të buxhetit për vitin e ardhshëm dhe dilemave që janë krijuar pas dështimit të Qeverisë Kurti III, ka thënë se qeveria në detyrë nuk mund të procedojë projektligje.
Por, ai ka thënë se buxhetit mund të miratohet përmes iniciativave ligjore, ku ka thënë se një gjë të tillë mund ta bëjë edhe presidentja e vendit.
“Mund të merret iniciativa nga presidentja poashtu edhe prej 10 deputetëve që në pajtueshmëri të plotë të partive politike mund të miratohet buxheti. Presidentja është e autorizuar të marrë iniciativa ligjore poashtu edhe 10 deputetë kanë të drejt të marrin iniciativa të tilla dhe kjo mund të kalojë së bashku në Komisionin për Buxhet dhe Financa dhe mund të tejkalohet kjo situatë dhe duhet të kalojë”, ka thënë Kryeziu në “InfoNata” në Tëvë1.
I pyetur për mungesën e komisioneve të Kuvendit, të cilët nuk u formuan të enjten pasi partitë opozitare ishin kundër duke e vlerësuar si jokushtetuese, Kryeziu ka thënë se asgjë se pengon formimin e këtyre komisioneve.
“Nuk e di kush e pengon, unë kamë njohur të mjaftueshme se nuk e pengon askush punën e Kuvendit, të vazhdojë me detyra të përcaktuara me ligji dhe Kushtetutë dhe njëra prej tyre është zgjedhja e komisioneve. Nuk ka asnjë pengesë sipas meje”, ka vlerësuar Kryeziu
