Përmes një njoftimi për media, ata kanë thënë se protesta do të mbahet për ta kundërshtuar diskriminimin e komuniteteve tona në ligjin e pagave, respektivisht rangimin me koeficient të pagave.
Sipas njoftimit, protesta do të mbahet nga ora 15:00, me moton “Paga dinjitoze, jo diskriminimit”. /tëvë1.info/
Njoftimi i plotë:
Të nderuar kolegë, infermierë, mami dhe profesionistë të tjerë shëndetësorë,
Duke iu falënderuar për gatishmërinë dhe mbështetjen tuaj në përpjekjen tonë të përbashkët për ta kundërshtuar diskriminimin e komuniteteve tona në Ligjin e Pagave, respektivisht rangimin me koeficient të pagave, Sindikata e Infermierëve të Kosovës në bashkëpunim me:
Odën e Infermierëve të Kosovës, Shoqatën e Infermierëve të Urologjisë së Kosovës, Shoqatën e Instrumentareve të Kosovës, Shoqatën e Infermierëve të Psikiatrisë së Kosovës, organizon aktivitetin;
Marshojmë për pagë dinjitoze
Mesazhi /motoja:
“Paga dinjitoze – jo diskriminimit”
Data: 01/03/2022, e martë
Ora: 15:00
Lokacioni:
Nisja nga Qendra Klinike Universitare e Kosovës, Prishtinë, për të vazhduar drejt sheshit “Zahir Pajaziti” dhe për ta përfunduar në sheshin “Skënderbeu”, para objektit të Qeverisë së Republikës së Kosovës.
Ftohen të gjithë infermierët, mamitë dhe profesionistët e tjerë shëndetësorë nga e gjithë Kosova, SHSKUK/QKUK, Spitalet Rajonale, QMF-të, QKMF-të, Shërbimet e Mjekësisë Urgjente përveç kujdestarive, që t’i bashkëngjiten këtij marshimi.
Në institucionet tjera të sigurohet dhënia e shërbimeve dhe zhvillimi normal i punës pas përfundimit të orarit të rregullt të punë (ndërrimet).
Ftojmë të gjithë pjesëmarrësit që t’i respektojnë rekomandimet e MSH-së dhe të IKSHPK-së, respektivisht bartjen e maskave gjatë zhvillimit të aktivitetit, ndërsa ruajtja e rendit dhe qetësisë publike të jetë në nivelin e duhur dhe nivelin që na takon si profesionistë shëndetësorë.
