Disa zyrtarë kroatë, thanë se droni mbante një bombë dhe nuk është ende e qartë nëse ishte e ukrainasve apo forcave ruse.
Tjetër dron, hyri në hapësirën ajrore të Rumanisë më vonë, ndërsa të martën ushtria e Ukrainës tha se rrëzoi një dron rus që kishte rihyrë në Ukrainë përmes hapësirës polake.
Këto incidente më dronë zgjuan shqetësime se lufta në Ukrainë mund të përhapet edhe në shtetet e NATO-s edhe nëse joqëllimisht, e detyrojnë aleancën të marrë vendim se si t’u përgjigjet incidenteve brenda kufijve.
Zyrtarët amerikanë të mbrojtjes thonë se dronët që hynë në territorin e NATO-s dukeshin se ishin kryesisht të paqëllimshëm. Që nga fillimi i pushtimit rus, ushtria amerikane ka krijuar një linjë dekonflikti me Rusinë për të zvogëluar rrezikun dhe për t’u siguruar që dy ushtritë që veprojnë kaq afër njëra-tjetrës të mos përplasen pa dashje.
