Një incident ka ndodhur mbrëmë një lokal nate në Mal të Zi, ku i pranishëm ka qenë edhe kryeministri në detyrë i këtij vendi Dritan Abazoviq.
Disa media kanë raportuar se Abazoviq është sulmuar, por kjo sipas raportimeve të antenam.net dhe cdm.me, nuk ka ndodhur.
Këto dy mediume raportojnë se në momentin kur Abazoviq ka dalë nga lokali ka pasur shtyrje në mes të disa personave të tjerë, përcjell teve1.info
Dëshmitarët okularë të ngjarjes i thanë CdM se panë policinë të evakuonte Abazoviqin dhe të ndalonte disa persona.
“Duket se është sulmuar sepse burri e shante para se të hynte në komisariat. Duhet të kenë ndërhyrë 15-20 policë”, thanë për CdM dëshmitarët okularë të ngjarjes.
Policia pretendon se Abazovic nuk është sulmuar.
“Kishte një shtytje nga disa persona dhe Abazoviq ishte duke ecur drejt daljes në atë moment”, tha policia jozyrtarisht për CdM.
