Profesori i Shkencave Politike, Dorajet Imeri ka vlerësuar se Serbia po e përdorë dialogun për ta paraqitur Kosovën si çështje të pa mbyllur.
Imeri ka konsideruar se Bashkimi Evropian duhet të thotë njëzëri se pret marrëveshje mes palëve në dialog.
“Serbia e ka përdorë dialogun për të paraqitur Kosovën si një çështje të pambyllur. Vendet e Bashkimit Evropian me një zë thonë se ne po e presim një marrëveshje mes vendeve dhe pastaj ne do të mund të ndryshojmë qëndrim“, është shprehur ai në emisionin “Këndi i Debatit“ në TËVË 1.
Më tej imeri, ka theksuar se BE-ja duhet të flet me një zë në politikën e jashtme, pasi sipas tij, kështu mund të ketë sukses si strukturë.
“Konsideroj që sot BE-ja do të duhej të fliste me një zë në politikën e saj të jashtme sepse është e vetmja formë që ata të tregohen të suksesshëm si strukturë. Kjo nuk ka ndodhur. Plani franko-gjerman nuk është plani i BE-së, sepse ata nuk e kanë krijuar si ë të tillë, pavarësisht që e kanë përvetësuar si ide, për të treguar se është funksionale. BE-ja nëse e ridimesionon dialogun do të mund të caktojë afate kohore“, ka shtuar ai.
